Өнөөдөр сүүлчийн өдөр юм шиг л амьдар

За өнөөдөр чинь бараг л ажлын сүүлийн өдөр. Цагийн юмыг цагт нь хийчихээд, өөртөө зав гаргаж өөрийгөө хааяа эрхлүүлж суух сайхан шоо дээ, тийм ээ ход ход. Халуунд халж хүйтэнд хөрч туулын мөсийг долоох шахаж энэ тэр гэхгүй ч гэсэн сургууль гэгч цэцэрлэгийн эрдэм гэгч кашыг инээж, огиж, амтархаж, амсаж идсэний хүчинд мэдлэг гэдэг нэгэн power-г кармаалаад амьдрал гэдэг уулын өөд бүсээ чангалан алхсан тэр үеэс хойш 3 даваа давсан байнаа. Хүн болж төрсөн хэн ч тэр том ууланд цэцэг ногоо, жимс нь алагласан, дулаахан нар ээсэн, тийм л сайхан байгаа даа гэж төсөөлдөг гэдэгт мөрийцсөн ч яахав.Харин замд юу ч тааралдаж болохыг та ч би ч таашгүй ээ.А  гэхдээ тэрхүү үл мэдэгдэх зүйлүүдийг далдыг хардаггүй л юм бол нүүр тулахаас нааш тодорхойлж, тусламж эрэх утгагүй. Аян замдаа сайтар бэлтгэсэн, Ээж аавынхаа захисан үгийг бичээд өвөртөлж яваа хүн замд тааралдах шавар шалбааг, намаг балчигийг яаж гаталж гарах вэ гэдгийг зоволтгүй шийдвэрлэж  торолгүй цааш алхах бөлгөө. Харин илжиг мэт зөрүүд бөгөөд өөрөөсөө бусдыг хорхой гэж боддог хүмүүн  замдаа тааралдах өргөстэй харгана, ширүүн шуурга, чихэнд улих салхийг давж чадалгүй өнхрөн унаж, нэгэн хонхорт тогтоод, хоолойгоо сөөтөл жаал хашхирч аваад л -Зөө зө би угаасаа чадахгүй юм байна. Яах гэж замд тааралдсан тэр гэрлийн хойноос гүйв ээ, Яах гэж зүүдэндээ тэр усыг ууваа...тэгээгүй бол би хэзээ ч энэ хонхорт ирж унахгүй байсан гээд л өөрийгөө ч юм шиг өрөөлийг ч юм шиг алв эсвэл хаа хамаагүй хийсвэр зүйлд буруу өгөн хамаг байдаг боломж бололцоогоо шахсан юм шиг санагдан өөрийнх нь оронд байсан хэнбугай ч бас л ийм байдалд, магадгүй бүүр үүнээс ч долоон дор байх байсан гэсэн дүгнэлт хийгээд насан үүрд тэрхүү бяцхан хонхортоо үлддэг бөлгөө. Шунал хэмээх ёроол  нь цоорхой шуудай үүрч яваагаа анзаарах сөхөөгүй.Ийм байдалд өөрөө өөрийгөө оруулчихлаа гэдгээ хэзээ ч хүлээн зөвшөөрөхгүй бөгөөд хонхорын дээрээс өнгийн харах бусдыг шүлсээ үсэргэн далбаганасаар насыг элээнэм.
Хүүеээ би чинь одоо юу л солиороод явчиваа. Уг нь амьдрал хэмээх уулруу удаан авирч, хурдан урууддаг гэж л хэлэх гэсиймм. Ннннэг мэдсэн чинь Эрдэнийн сан субашид гээш сургааль байдаг шиг юм болох гэж байна. Зөө зө пошли домой.