Бичлэг тандагчШинэ Macbook гарчээ
Хөнгөнцагаан бие бүхий маш авсаархан MacBook Air гар компьютер нь хамгийн нимгэн хэсгээрээ ердөө 0.4см, хамгийн зузаан хэсгээрээ 1.9см хэмжээтэй бөгөөд дөнгөж 1.35кг жин дарна. Компанийг үүсгэн байгуулагч Steve Jobs энэхүү MacBook Air гар компьютер нь стандарт хэмжээтэй шуудангийн бор цаасан дугтуйд зовлонгүй багтах тийм овор багатай, нимгэн болох тухай мэдэгджээ.
Энэх ноутбуук нь Intel Core 2 Duo процессор (стандарт 1.6GHz, сонголтоор 1.8GHz), 2GB санах ой, Intel GMA X3100 график шийдэл, 13.3" ар тал нь гэрэлтдэг дэлгэц, 80GB багтаамж 1.8" хэмжээтэй хатуу диск гэх мэт техникийн үзүүлэлттэй. Хэрэглэгч мөн нэмэлтээр хурдтай боловч үнэтэй 64GB solid-state disk (SSD) суулгуулах боломжтой аж.
Гадна овор байдал хэт нимгэн хэмжээнээсээ шалтгаалаад MacBook Air нь цорын ганц USB 2.0 порттой, мөн micro-DVI график гаралт, дууны аudio-out jack гаралтуудтай. Түүнээс гадна iSight камер, бүрэн хэмжээтэй ар нь гэрэлтдэг товчлууруудтай. Apple-ийн энэхүү Air бүтээгдэхүүн нь 802.11n WiFi, Bluetooth 2.1 гэх мэт олон “агаарын” сүлжээний технологиудыг дэмжинэ, гэвч WiMAX, EV-DO, HSDPA гэх мэт сүүлийн үеийн шинэ хувилбарууд хараахан амжиж ороогүй бололтой.Сүлжээний уламжлалт Ethernet порт нэг ч алга, овор хэмжээндээ болоод хязгаарлагдсандаа тэр үү эсвэл нэгэнт Air бүтээгдэхүүн тул шаардлагагүй гэж үзсэн нь үү. Мөн built-in буюу нэгтгэмэл оптик диск уншигчгүй, хэрэглэгч external SuperDrive-ийг “нэмэлт” $99-оор Apple-аас авч болох юм байна.
Дээрх сул талуудыг эс тооцвол энэ нь тун давгүй нимгэн, ганган зөөврийн компьютер. Multi-touch удирдлагын боломжтой. MacBook Air хэрэглэгчид нь iPhone, iPod бүтээгдэхүүний ижил дэлгэц дээр обьектуудыг шууд гараар удирдах боломжтой. MacBook Air дээд тал нь 5 цаг хүртэл батерейгээр ажиллах чадвартай ба харин батерейг солих, салгах боломжгүй. Хэрэв MacBook Air-ын батерей нурсан тохиолдолд хэрэглэгч компьютерээ бүхлээр нь Apple рүү илгээж солиулахаас өөр сонголтгүй юм байна.Үнэ нь $1,799 гэнээ.
